اخواني/ الكرام
السلام عليكم ورحمة الله وبركاتة
نقلت اليكم احد محاوراتي النتية مع الشاعر الكبير/ مفرح بن بداح السبيعي
أمل ان تحوز على رضائكم وترقى الى ذائقتكم
اليكم
أبن عبيدان
سلام تسليمة ما مثلها بالسلام=تسليمة وافية والطيب عنوانها
يا مفرح بداح يازين اللحن والكلام=لا صار شرواك ف الحفلة وميدانها
ابن بداح
يامرحبا يالمسلم عد منشاء الغمام=وانهل واسقى الديار وزاد عمرانها
يا بن عبيدان يا مطلق رفيع المقام=اللي يروم الغوالي يدفـع اثمانهـا
أبن عبيدان
دام البقاء يامرحب والمعاني تمام=صاحبك يازن لك الحبة ونيشانها
بعض البشر ياولد عمي غشاها الزكام=من جمرة هزت الكوكب وسكانها
أبن بداح
الوزن ما ينضمن لاصار زرق السهام=والبندقيه معـك وشلـون ميزانهـا؟
الجمرة اللي سعوا فيها عيال الحـرام=ما همت النـاس شعلتهـا ودخانهـا
أبن عبيدان
اليا جمعنا السوالف من حلال وحرام=انت المقيم لها يا طير حورانها
ما ادري خذيت الوقاية قبل لبس الكمام=اخاف بكرة تقفي بك مع اضعانها
ابن بداح
الاوله هاتها والثانيـه يـا غـلام=ما تستوي لي ولا غنيت من شانها
اعوذ بك يا جليل الملك رب الآنام=من قرصة الحيه اللي مدة السانها
أبن عبيدان
انتة تقول الكلام الي يقص العظام=ان قلت وين الهدة تقول لبنانها
اليا تعوذت لا تحسب هناك المنام=ما يضمن النفس غير الله ضمانها
ابن بداح
في المملكه يا فهد في القاهرة يا حسـام=في الصين يا شنق بنق ...الطائرة عانها
ضفت جناحينها بيـن الثـرى والعسـام=والغش فوق المحـرك بيـن جنحانهـا
أبن عبيدان
احد ٍ تعشا فقار. احد ٍ تعشا يدام=أرزاق ربي تقسم بين عربانها
لو طارت الطائرة من فوق دهم الغمام=الحملة الي بها معروف ميزانها
ابن بداح
الرزق مضمون والكسلام يأكل ينـام=عكس المثابر قـدح زنـده بصوانهـا
تصبح على خير يا مطلق و مسك الختام=تحيةٍ صـادق التعبيـر مـا خانهـا
.
محلورة (أبن عبيدان وابن بداح)
العرض العادي
