| |
|
جفال شيخ القـوم زيـزوم الابطـال
حـراً ولـد حـراً طويـلاً ذراعــه
|
|
امير ولد امير من ماضـي الاجيـال
والطيب مثل النور يجـذب شعاعـه
|
|
وبعض العرب ماله على الطيب منزال
وجفـال منزالـه بـراس الرفاعـه
|
|
الكم بدرب الطيب مظهـر ومدخـال
وعندك على كل الامـور استطاعـه
|
|
طيبك نعرفه مايبـي حكـي وجـدال
وانت الامين اللي حفظـت الوداعـه
|
|
وابوك شيخاً فالعـرب مالـه امثـال
وافي مع اهل الطيب شبـره وباعـه
|
|
بيتـه لذربيـن المشاكيـل مدهـال
يوم العرب في وقت عسر ومجاعـه
|
|
وجدك يقود القوم مع جرد الاسهـال
كم هجمتاً بالسيـف خذهـا قلاعـه
|
|
وكم مرتـاً غنـى علـى ذود وبـال
وكم ذود مصلاحن من القفـر زاعـه
|
|
ركايبـه مابيـن الاقفـا والاقـبـال
وصلـت مغازينـا قبايـل رفـاعـه
|
|
وفعول جدانـك جسيمـات وجـزال
يدريبها اللي باقيـن فـي رضاعـه
|
|
وربعك هل الناموس وافين الافعـال
والكل منهـم قـال سمـعٍ وطاعـه
|
|
معك على ماقـال بالحـال والمـال
واللـي يفـرق مانطيـع اختراعـه
|
|
حنا يدٍ وحـدة بـلا شـك واشكـال
العـز جمعـا والتفـرق ضيـاعـه
|
|
مكيالنـا وافٍ علـى كـل مكـيـال
لامـن كلـن كـال مـدة وصاعـه
|
|
وان قربـوا للخيـل اعنـه وخيّـال
عدونـا يـزداد خـوف ومـراعـه
|
|
ورجالنـا يسـوى ثمانيـن رجـال
فينا المكارم والصخـى والشجاعـه
|
|
متوارثين الطيـب شيبـان وعيـال
والطيب لاهل الطيب ينهض شراعـه
|
|
مثل الجبل لو جاه عاصـف وزلـزال
يثبت علـى مبنـاه ماهـو زعاعـه
|
| |
